23 ივნისს ჯეოლიმპის 2013 წლის სერიის ფინალური რაუნდი გაიმართა. ღონისძიებას უკვე მეორედ გაუწია მასპინძლობა კავკასიის უნივერსიტეტის ტექნოლოგიების სკოლამ, რისთვისაც კიდევ ერთხელ ვუხდით მადლობას უნივერსიტეტს და ტექნოლოების სკოლის დეკანს - ბატონ გიორგი დათუკიშვილს.

ტრადიციულად, შეჯიბრების პარალელურად მიმდინარეობდა ონლაინ რაუნდი ყველა კონკურსგარე მსურველისთვის და მისი შედეგები ამ გვერდზეა გამოქვეყნებული.

ფინალის შედეგების სანახავად კი ამ ბმულს მიჰყევით.

პირველი ადგილი 8 ამოცანით მოიპოვა კომაროვის სახელობის სკოლის მოსწავლემ - ნიკოლოზ სვანიძემ და მიიღო პრიზი Samsung Galaxy note N8000 პლანშეტი.

მეორე ადგილზე გავიდა ასევე კომაროვის სახელობის სკოლის მოსწავლე - ჯიმი სხირტლაძე, რომელმაც 7 ამოცანა წარმატებით ამოხსნა. ჯეოლიმპისგან მას საჩუქრად Nikon L820 ფოტოაპარატი გადაეცა.

მესამე ადგილზე 6 ამოცანით გავიდა თბილისის სახელმწიფო უნივერსიტეტის სტუდენტი - ზურაბ კუცია და Kindle PaperWhite ელექტრონული წიგნების მკითხველით დაჯილდოვდა.

სრული ფოტო ალბომის ნახვა შესაძლებელია ჩვენს Facebook გვერდზე.

ჯეოლიმპის 2013 წლის სერიის ჩატარებაში ძალიან დიდი წვლილი მიუძღვის დაფინანსებას, რომელიც პრეზიდენტის ადმინისტრაციისგან მივიღეთ, ამიტომ კიდევ ერთხელ ვუხდით მათ მადლობას, რომ მხარში დაგვიდგნენ და საშუალება მოგვცეს შეჯიბრებათა კიდევ ერთი სერია ჩაგვეტარებინა.

ასევე გვსურს დიდი მადლობა გადავუხადოთ კომპანია "ჯორჯიან ქარდს" რომელიც ოთხივე სერიის განმავლობაში ფინანსურ მხარდაჭერას გვიწევდა საჩუქრების შესაძენად და კომპანია "ინოტექს", რომლის დატაცენტრშიც ჯეოლიმპის სერვერი უსასყიდლოდ არის განთავსებული და ინტერნეტით უზრუნველყოფილი.

სერიის ფარგლებში ინტერნეტ რაუნდების გარდა ოთხი დასწრებული ტური ჩატარდა:
მეორე ეპიზოდი თავისუფალ უნივერსიტეტში
მეოთხე ეპიზოდი ქუთაისის აკაკი წერეთლის სახელობის სახელმწიფო უნივერსიტეტში
მეხუთე ეპიზოდი თბილისის სახელმწიფო უნივერსიტეტში
ფინალი კავკასიის უნივერსიტეტში

2013 წლის სერია ჩვენთვის პირველი იყო, სადაც სახალხოდ გამოვაცხადეთ ამოცანათა მიღება. სერიისთვის ამოცანები შეადგინეს ავტორებმა: ელდარ ბოგდანოვი, ირაკლი მერაბიშვილი, მარიამ დანელია, ნიკოლოზ გაბისონია, ზურაბ კუცია, ნიკა ნადირაძე, ნიკა სანაკოევი, ბაქარ დარსაძე, ავთანდილ გოქაძე, გიორგი გულიაშვილი.

ჯეოლიმპის გუნდი მადლობას უხდის ირაკლი მერაბიშვილს და ნიკოლოზ გაბისონიას განსაკუთრებული მხარდაჭერისთვის რაუნდების ტესტირებასა და დასწრებული ტურების ჩატარებაში.

მოგესალმებით,

მალე დაიწყება 2013 წლის სერიის ფინალური ეპიზოდი.
ამოცანების პირობები eJudge მატესტირებელ სისტემაში ღია სახით გამოჩნდება რაუნდის დაწყებისას, მაგრამ მსურველებს მისი დაარქივებული ვარიანტის გადმოწერა შეგიძლიათ ამ მისამართიდან. არქივის პაროლია the_end_is_nigh.

პირობები pdf ფორმატშია, მისი გახსნა შესაძლებელია Acrobat Reader-ით ან Foxit Reader-ით, გადმოსაწერი მისამართი: Foxit Reader.

ვისაც სურს ფინალის ონლაინ რაუნდში მონაწილეობა, შეგახსენებთ, რომ უნდა გაიაროთ კონტესტზე რეგისტრაცია.

შეჯიბრში შეგიძლიათ შეხვიდეთ შემდეგი ბმულებით:
Online ფინალური რაუნდი
დასწრებული ფინალური რაუნდი

ონლაინ შედეგები: standings

დასწრებული შედეგები: standings

გაცნობებთ, რომ GeOlymp Series 2013 ციკლის ფინალი ჩატარდება 23 ივნისს, კავკასიის უნივერსიტეტში.
შეჯიბრის ხანგრძლივობა 4 საათია.

ღონისძიების განრიგი:
11:00 გახსნა
11:30 სატესტო შეჯიბრება
12:00 ფინალური რაუნდი
17:00 დახურვა.

ფინალის მონაწილეები უნდა გამოცხადდნენ კავკასიის უნივერსიტეტში 10:45 საათზე (საქართველოს ტექნიკური უნივერსიტეტის მეექვსე კორპუსთან ახლოს). დამატებითი ინფორმაციისთვის შეგიძლიათ დარეკოთ ნომერზე: 599 481642

ფინალურ შეჯიბრში დაშვებულია ინტერნეტ შეჯიბრებების რეიტინგის შედეგად გამოვლენილი პირველი 24 მონაწილე:

1. ჯიმი სხირტლაძე
2. თორნიკე მანძულაშვილი
3. ნიკოლოზ სვანიძე
4. გიორგი სხირტლაძე
5. გიორგი გულიაშვილი
[ ლაშა ლაკირბაია ]
6. ზურაბ კუცია
7. გიორგი გიგლემიანი
8. ალექსანდრე ცხოვრებოვი
9. ლაშა ბუხნიკაშვილი
10. ელენე მაჩაიძე
11. ნიკოლოზ მაჭავარიანი
12. გიორგი ნიშნიანიძე
13. გიორგი შავგულიძე
14. ნიკოლოზ ბარბაქაძე
15. დათა ლაპიაშვილი
16. ნუგზარ ჩხაიძე
17. ავთანდილ გოქაძე
18. ნიკოლოზ გაბისონია
19. მარიამ დოლიაშვილი
20. გიგი პატარაია
21. გიორგი ბაღდავაძე
22. ნიკა ნადირაძე
23. ბექა ბარბაქაძე
24. გიორგი ჯავახაძე

ვულოცავთ მათ და ვუსურვებთ წარმატებებს ჩვენი სერიის ფინალში!

ყურადღება, თუ ვერ ახერხებთ ფინალში მონაწილეობის მიღებას, გთხოვთ, წინასწარ შეგვატყობინეთ ამის შესახებ. ასეთ შემთხვევაში ფინალში დაიშვება 25-ე ადგილზე გასული მონაწილე.

ასევე ჩვენთვის ცნობილია, რომ ფინალს შეიძლება დაემთხვეს მოსწავლეთა სამეცნიერო ბანაკები, რომელიც ორი კვირის განმავლობაში გრძელდება. სამწუხაროდ, ჩვენ აღარ შეგვიძლია ფინალის გადადება და იმედი გვაქვს მოსწავლეებს ექნებათ საშუალება სურვილის შემთხვევაში ერთი დღით დაბრუნდნენ თბილისში.

ფინალური შეჯიბრის პარალელურად ჩვენს საიტზე ჩატარდება ინტერნეტ–რაუნდი ფინალის ამოცანებზე, რომელში მონაწილეობაც ყველა მსურველს შეეძლება. ინტერნეტ–რაუნდის ხანგრძლივობა ასევე 4 საათი იქნება.

ჯეოლიმპის მეხუთე რაუნდის პარალელურად თბილისის სახელმწიფო უნივერსიტეტში დასწრებული ტური ჩატარდა, სადაც ამ სასწავლებლის სტუდენტები იღებდნენ მონაწილეობას. გვსურს დიდი მადლობა გადავუხადოთ უნივერსიტეტს და კომპიუტერული მეცნიერებების მიმართულებას, განსაკუთრებით კი ქალბატონ ნინო ტყეშელაშვილს და ბატონ კობა გელაშვილს ჩვენი მხარდაჭერისთვის, კეთილი სურვილებისა და ასევე გადაღლილი ჯეოლიმპელების ტორტით გამასპინძლებისათვის :)

რაუნდის შემდეგ, ტრადიციულად, ამოცანების და ალგორითმების გარჩევა ჩატარდა ელდარ ბოგდანოვის მიერ. დასწრებული ტურის 21 მონაწილეს შორის პირველ ადგილზე გავიდა ნიკოლოზ გაბისონია, მეორე ადგილზე ბექა ბარბაქაძე, ხოლო მესამეზე - ზურაბ კუცია.

სრული ფოტო ალბომის ნახვა შესაძლებელია ჩვენს Facebook გვერდზე.

აღსანიშნავია, რომ მეხუთე რაუნდის ამოცანები გასულ ეპიზოდებთან შედარებით რთული გამოვიდა. თუმცა იმედია, ეს მონაწილეების დიდ იმედგაცრუებას არ გამოიწვევს და upsolving-ში გააგრძელებენ ამოხსნების ბოლომდე მიყვანას, რადგან რამდენიმე ნამდვილად საინტერესო იდეა იყო ახალ ამოცანებში და ჩვენი ფორუმიც ღიაა თქვენთვის.

დასწრებული ტურის სრული შედეგები ასე გამოიყურება:

სერიის მეხუთე ეპიზოდში მონაწილეობა 63 ადამიანმა მიიღო. სრული შედეგები ამ ბმულზეა, ხოლო გასული რაუნდის ამოცანების ბოლომდე მისაყვანად უკვე ჩართულია Upsolving.

მეხუთე რაუნდის A და B ამოცანების ავტორია ქუთაისის 41-ე სკოლის მოსწავლე ბაქარ დარსაძე. C ამოცანა შედგენილია ირაკლი მერაბიშვილის, D ამოცანა ქუთაისის აკაკი წერეთლის სახელობის უნივერსიტეტის სტუდენტ ავთანდილ გოქაძის, ხოლო E ამოცანა დემირელის კოლეჯის მოსწავლე გიორგი გულიაშვილის მიერ. რაუნდის ტესტირება შეასრულა ირაკლი მერაბიშვილმა.

გილოცავთ და მადლობას გიხდით მონაწილეობისთვის!

მეხუთე ეპიზოდის საერთო ჩათვლაში გაიმარჯვეს:

მოსწავლეებს შორის:

სტუდენტებს შორის:

მეხუთე რაუნდის შედეგად 2013 წლის სერიის ფინალისტები გამოვლინდებიან. სამი დღის განმავლობაში ჩვენ კიდევ ერთხელ გადავამოწმებთ მონაწილეების შედეგებს და სერიის ფინალისტების სიას გამოვაქვეყნებთ.

მოგესალმებით,

მალე დაიწყება V ეპიზოდი.
ამოცანების პირობები eJudge მატესტირებელ სისტემაში ღია სახით გამოჩნდება რაუნდის დაწყებისას, მაგრამ მსურველებს მისი დაარქივებული ვარიანტის გადმოწერა შეგიძლიათ ამ მისამართიდან. არქივის პაროლია WorldOceanDay2013.

პირობები pdf ფორმატშია, მისი გახსნა შესაძლებელია Acrobat Reader-ით ან Foxit Reader-ით, გადმოსაწერი მისამართი: Foxit Reader.

შეგახსენებთ, რომ შეჯიბრში მონაწილეობისთვის უნდა გაიაროთ კონტესტზე რეგისტრაცია.

შეჯიბრში შეგიძლიათ შეხვიდეთ შემდეგი ბმულიდან

ონლაინ შედეგები: standings

2013 წლის 8 ივნისს 14:30 საათზე დაიწყება ჯეოლიმპის 2013 წლის სერიის მეხუთე ეპიზოდი. შეჯიბრის ხანგრძლივობა 2 საათია. შესაძლებელია Pascal, C/C++, C#, Java, PHP, Python და Perl პროგრამირების ენების გამოყენება. შეგახსენებთ, რომ კონტესტში მონაწილეობისთვის საჭიროა კონტესტზე რეგისტრაცია.

ინტერნეტ რაუნდის პარალელურად ჩატარდება დასწრებული ტური ივანე ჯავახიშვილის სახელობის თბილისის სახელმწიფო უნივერსიტეტში, სადაც მონაწილეობისთვის ვიწვევთ ამ უნივერსიტეტის სტუდენტებს. დასწრებულ ტურში მონაწილეობის მსურველებმა 6 ივნისის ჩათვლით აუცილებლად უნდა შეავსონ უნივერსიტეტის ონლაინ ფორმა ამ ბმულზე:
https://docs.google.com/forms/d/1YBhtz8AwucENjt8KL3H_zie2Iex3oTNwb40zL95L4CU/viewform

შეჯიბრის დღეს თბილისის სახელმწიფო უნივერსიტეტის სტუდენტები უნდა გამოცხადდნენ XI (ბიოლოგების) კორპუსის #323 რესურს ცენტრში 14:00 საათზე.

გელით :)