GeOlymp Forum: ჯეოლიმპის წევრების წვლილი საიტის განვითარებაში

ჯეოლიმპის წევრების წვლილი საიტის განვითარებაში

ავტორი Elle

კოდის ფრაგმენტები, არქიტექტურული იდეები, გადაწყვეტილებები

წერილები: 66

Elle says:

27 მაისი 2012, 23:27

არა ერთმა ადამიანმა გამოხატა სურვილი რომ ჯეოლიმპის საიტის განვითარებაში მიეღო მონაწილეობა. ამჯერად მისი open source პროექტად გამოქვეყნება არ იგეგმება, მაგრამ ვიფიქრე კარგი იქნებოდა თემა, სადაც სხვადასხვა გადაწყვეტილებაზე ვიკითხავდი და მოვისმენდი ფორუმელების რჩევას ან პატარა ამოცანებს დავსვამდი და მსურველს შეეძლებოდა თავისი გადაწყვეტა შემოეთავაზებინა ჩვენთვის.

ეს ყველაფერი იქიდან გამომდინარე, რომ რაც არ უნდა დიდი სურვილი მქონდეს, სამწუხაროდ თავისუფალი დრო ძალიან ცოტა მრჩება და გადავწყვიტე თქვენი შემოთავაზებით ვისარგებლო და საშუალება მოგცეთ საიტის განვითარებაში მომეხმაროთ თუნდაც პატარა ფრაგმენტებით.