მოგესალმებით,

მალე დაიწყება ჯეოლიმპის ბონუს II ეპიზოდი.
ამოცანების პირობები eJudge მატესტირებელ სისტემაში ღია სახით გამოჩნდება რაუნდის დაწყებისას, მაგრამ მსურველებს მისი დაარქივებული ვარიანტის გადმოწერა შეგიძლიათ ამ მისამართიდან.

პირობების პაროლის არქივია TogetherWeWillLiveForever.

პირობები pdf ფორმატშია, მისი გახსნა შესაძლებელია Acrobat Reader-ით ან Foxit Reader-ით, გადმოსაწერი მისამართი: Foxit Reader.

შეგახსენებთ, რომ შეჯიბრში მონაწილეობისთვის უნდა გაიაროთ კონტესტზე რეგისტრაცია.

შეჯიბრში უნდა შეხვიდეთ ამ ბმულიდან

ბონუს II ეპიზოდის მიმდინარე შედეგების ხილვას შეძლებთ ამ ბმულზე: Standings

საიტის ფუნქციონალის აღდგენასთან დაკავშირებით და იმის გათვალისწინებით, რომ მალე დაიწყება საოლიმპიადო სეზონი, გადავწყვიტეთ ერთი რიგგარეშე შეჯიბრი შემოგთავაზოთ. შეჯიბრს ჩვენი ჩვეულებრივი ეპიზოდის ფორმატი ექნება, ანუ ხანგრძლივობაში 2 საათი და ამოცანების რაოდენობა 5 ცალი. შეჯიბრი კონკურსგარეშე ჩატარდება.

ამავე დროს გვესმის, რომ ბევრი შეიძლება დასასვენებლად იყოს წასული და არ გვინდა, ავტორების ძალისხმევა ტყუილად დაიხარჯოს. ამიტომ ჩავატარებთ პატარა გამოკითხვას და მის შედეგებზე დაყრდნობით გადავწყვეტთ, ღირს თუ არა ახლა შეჯიბრის დანიშვნა. გთხოვთ, მაქსიმალურად რეალური პასუხები დააფიქსიროთ.

ჩვენი წლევანდელი სერია დამთავრდა. მარტის თვიდან მოყოლებული, ჩვენმა ჯგუფმა შემოგთავაზათ 5 ინტერნეტ–შეჯიბრი ქართველი ავტორების მიერ შედგენილი ორიგინალური ამოცანებით, ბოლოს კი სერია დავაგვირგვინეთ ფინალური ღონისძიებით. გთავაზობთ განვლილი სეზონის მოკლე მიმოხილვას.

სრულად წაკითხვა

სერია "GeOlymp Series 2011"–ის ფინალი კვირას, 26 ივნისს გაიმართა. მონაწილეებმა და სტუმრებმა 11 საათისკენ თავი მოიყარეს თბილისის სახელმწიფო უნივერსიტეტის მეორე კორპუსში მდებარე გაეროს აუდიტორიაში, სადაც ოლიმპიადის გახსნა ჩატარდა.

სრულად წაკითხვა

დღეს გაიმართა ჩვენი წლევანდელი სერიის ფინალური შეჯიბრი. ღონისძიებას უმასპინძლა თბილისის სახელმწიფო უნივერსიტეტმა. ფინალს ორგანიზაცია თსუ-ს სტუდენტურმა თვითმმართველობამ გაუწია და იგი უნივერსიტეტის მეორე კორპუსში ჩატარდა.

პირველი სამი ადგილი ასე განაწილდა:
1. ცოტნე ტაბიძე (ქუთაისის ანდრია რაზმაძის სახელობის 41-ე სკოლა)
2. ლევან ვარამაშვილი (ივანე ჯავახიშვილის თბილისის სახელმწიფო უნივერსიტეტი)
3. ირაკლი მერაბიშვილი (ივანე ჯავახიშვილის თბილისის სახელმწიფო უნივერსიტეტი)

მეორე და მესამე ადგილოსნებს შესაბამისად 500 და 320 GB ტევადობის გარე ვინჩესტერები გადაეცათ, ხოლო პირველ ადგილზე გასულ მონაწილეს კომპანია LeavingStone-მა გადასცა საჩუქრად ელექტრონული წიგნების წამკითხველი მოწყობილობა Amazon Kindle.

სრული შედეგები შეგიძლიათ ნახოთ ამ ბმულზე.

ფინალური შეჯიბრის შესახებ ვრცელ ინფორმაციას მოგვიანებით შემოგთავაზებთ.

ფინალის ამოცანებზე გამართულ ინტერნეტ-რაუნდში პირველი ადგილი აიღო ნიკა ჯიმშელეიშვილმა, მეორეზე მარი კობიაშვილი, ხოლო მესამეზე გიორგი ნადირაძე გავიდა. სრული შედეგების სანახავად ამ ბმულს მიჰყევით.

ჩვენ ვულოცავთ გამარჯვებულებს და ყველას გისურვებთ მომავალ წარმატებებს!

მოგესალმებით,

მალე დაიწყება ფინალური შეჯიბრი და პარალელურად გაიშვება მის ამოცანებზე ინტერნეტ-რაუნდი.
ამოცანების პირობები eJudge მატესტირებელ სისტემაში ღია სახით გამოჩნდება რაუნდის დაწყებისას, მაგრამ მსურველებს მისი დაარქივებული ვარიანტის გადმოწერა შეგიძლიათ ამ მისამართიდან. არქივზე პაროლია adyingwishpassword

პირობები pdf ფორმატშია, მისი გახსნა შესაძლებელია Acrobat Reader-ით ან Foxit Reader-ით, გადმოსაწერი მისამართი: Foxit Reader.

შეგახსენებთ, რომ შეჯიბრში მონაწილეობისთვის უნდა გაიაროთ კონტესტზე რეგისტრაცია.

შეჯიბრში უნდა შეხვიდეთ შემდეგი ბმულიდან: ონლაინ მონაწილეებისთვის ფინალისტებისთვის

ფინალის მიმდინარე შედეგების ხილვას შეძლებთ ამ ბმულზე: standings

ფინალის ამოცანებზე ინტერნეტ-რაუნდის მიმდინარე შედეგები აქ იქნება: standings

2011 წლის 26 ივნისს 12 საათზე დაიწყება ამ წლის სერიის ფინალური რაუნდი. შეჯიბრის პარალელურად კი ჩვენს საიტზე ჩატარდება ინტერნეტ–რაუნდი ფინალის ამოცანებზე, რომელში მონაწილეობაც ყველა მსურველს შეეძლება. ინტერნეტ–რაუნდის ხანგრძლივობა 4 საათი იქნება.

შეგახსენებთ, რომ კონტესტში მონაწილეობისთვის საჭიროა კონტესტზე რეგისტრაცია.