ციკლ "GeOlymp Series 2011"-ის მეორე ეპიზოდი დასრულდა.

მონაწილეებისთვის შეთავაზებული იყო 5 ამოცანა პირობებით ქართულ ენაზე. მათ ამოსახსნელად 2 საათი იყო გამოყოფილი.

საერთო ჩათვლაში პირველი ადგილი დაიკავა 2010 წლის ინფორმატიკის მოსწავლეთა საერთაშორისო ოლიმპიადის ოქროს მედალოსანმა ცოტნე ტაბიძემ (ქუთაისის ანდრია რაზმაძის სახელობის 41–ე საჯარო სკოლა). მეორე ადგილზე გავიდა ნოდარ ამბროლაძე (თბილისის სახელმწიფო უნივერსიტეტი). მესამე ადგილი ასევე თსუ–ს სტუდენტს, ლევან ვარამაშვილს ერგო.

სპორტული თვალსაზრისით შეჯიბრმა უნაკლოდ ჩაიარა, ამოცანების პირობებში ან სისტემურ ტესტებში უზუსტობები არ აღმოჩენილა.

სერიის მეორე ეპიზოდი დასრულდა. მასში მონაწილეობა 105 ადამიანმა მიიღო. სრული შედეგების სანახავად ამ ბმულს მიჰყევით. გასული რაუნდის ამოცანები შეგიძლიათ Upsolving შეჯიბრში მიიყვანოთ ბოლომდე.

გმადლობთ მონაწილეობისთვის :) ვულოცავთ ყველას და გისურვებთ წარმატებებს.

მეორე ეპიზოდის საერთო ჩათვლაში გაიმარჯვეს:

მოსწავლეებს შორის:

სტუდენტები:

მოგესალმებით,

მალე დაიწყება II ეპიზოდი. კონტესტის დასაწყისი გადაიდო 20 წუთით.
ამოცანების პირობები eJudge მატესტირებელ სისტემაში ღია სახით გამოჩნდება რაუნდის დაწყებისას, მაგრამ მსურველებს მისი დაარქივებული ვარიანტის გადმოწერა შეგიძლიათ ამ მისამართიდან. არქივის პაროლია tsurocks.

პირობები pdf ფორმატშია, მისი გახსნა შესაძლებელია Acrobat Reader-ით ან Foxit Reader-ით, გადმოსაწერი მისამართი: Foxit Reader.

შეგახსენებთ, რომ შეჯიბრში მონაწილეობისთვის უნდა გაიაროთ კონტესტზე რეგისტრაცია.

შეჯიბრში უნდა შეხვიდეთ შემდეგი ბმულიდან

ონლაინ შედეგები: standings

16 აპრილს 12:00 საათზე ჩატარდება 2011 წლის სერიის მეორე ეპიზოდი. შეგახსენებთ, რომ კონტესტში მონაწილეობისთვის საჭიროა კონტესტზე რეგისტრაცია.

რაუნდი ეძღვნება ქართულ საოლიმპიადო სივრცეში 2 წლის წინ მომხდარ უდიდეს მოვლენას. 2009 წლის 21 აპრილს ჩატარდა ACM ICPC 2009 - სტუდენტური მსოფლიო ჩემპიონატის ფინალი, სადაც პირველად მონაწილეთა რიცხვში იყო საქართველოს წარმომადგენელი. ეს გახლდათ თბილისის სახელმწიფო უნივერსიტეტის გუნდი სახელად Tbilisi SU Triumvirate, რომლის შემადგნელობაში იყვნენ ნიკოლოზ ჯიმშელეიშვილი, გიორგი ლეკვეიშვილი და ელდარ ბოგდანოვი, გუნდის ხელმძღვანელი თემურ ზარქუა.

ქართული გუნდი მე-11 ადგილზე გავიდა და მოიპოვა ბრინჯაოს მედლები. ეს წარმატება, ისევე როგორც ფინალში მოხვედრა, დღემდე რჩება უპრეცედენტო შემთხვევად მთელი კავკასიის რეგიონის მაშტაბით. ჩვენ იმედი გვაქვს, რომ შემდეგ წარმატებას GeOlymp-ის მონაწილეები მიაღწევთ!

თბილისის სახელმწიფო უნივერსიტეტის სტუდენტთა საყურადღებოდ!

ამ რაუნდის პარალელურად მის ამოცანებზე თბილისის სახელმწიფო უნივერსიტეტის X (მაღლივ) კორპუსში, მესამე სერვის ცენტრში ჩატარდება დასწრებული შეჯიბრება თსუ-ს სტუდენტებისთვის. ღონისძიების პროგრამაში არის სატესტო და ძირითადი ტური, ამოცანების გარჩევა და ლოკალურ გამარჯვებულთა დაჯილდოება. დასწრებული ღონისძიება დილის 11 საათზე დაიწყება.

ციკლ "GeOlymp Series 2011"-ის პირველი ეპიზოდი დასრულდა.

მონაწილეებისთვის შეთავაზებული იყო 5 ამოცანა პირობებით ქართულ ენაზე. მათ ამოსახსნელად 2 საათი იყო გამოყოფილი.

საერთო ჩათვლაში პირველი ადგილი დაიკავა შარშანდელი სერიის გამარჯვებულმა ლევან ვარამაშვილმა (თბილისის სახელმწიფო უნივერსიტეტი). მეორე ადგილზე გავიდა თსუ–ს სტუდენტი ირაკლი მერაბიშვილი. მესამე ადგილი ასევე თსუ–ს სტუდენტმა, ზურაბ ისაკაძემ დაიკავა.

D ამოცანის შეზღუდვებში არ იყო მითითებული, რომ შემოსატანი მონაცემები მთელი ტიპის იყო, რაც ამოცანის ამოხსნას გარკვეულწილად ამარტივებდა. ამის შესახებ შეტყობინება მონაწილეებს შეჯიბრის 36–ე წუთზე გაეგზავნათ. საზოგადოდ მონაწილეებს მოვუწოდებთ, რომ არასრული შეზღუდვების პირობებში შესაბამისი შეკითხვებით ჟიურის მიმართონ.

სერიის პირველი ეპიზოდი დასრულდა. მასში მონაწილეობა 89 ადამიანმა მიიღო, რაც აღემატება შარშანდელ სერიაში ჯამში გამოსულ მონაწილეთა რიცხვს. სრული შედეგების სანახავად ამ ბმულს მიჰყევით. გასული რაუნდის ამოცანები კი შეგიძლიათ Upsolving შეჯიბრში მიიყვანოთ ბოლომდე.

გმადლობთ მონაწილეობისთვის :) ვულოცავთ ყველას და გისურვებთ წარმატებებს.

პირველი ეპიზოდის საერთო ჩათვლაში გაიმარჯვეს:

მოსწავლეებს შორის:

სტუდენტები:

მოგესალმებით,

მალე დაიწყება I ეპიზოდი. ამოცანების პირობები eJudge მატესტირებელ სისტემაში ღია სახით გამოჩნდება რაუნდის დაწყებისას (Statements მენიუში), მაგრამ მსურველებს მისი დაარქივებული ვარიანტის გადმოწერა შეგიძლიათ ამ მისამართიდან. არქივზე პაროლი არის abra_da_kadabra.

პირობები pdf ფორმატშია, მისი გახსნა შესაძლებელია Acrobat Reader-ით ან Foxit Reader-ით, გადმოსაწერი მისამართი: Foxit Reader.

კონტესტის მიმდინარე შედეგები ხელმისაწვდომია ამ ბმულზე.

შეგახსენებთ, რომ შეჯიბრში მონაწილეობისთვის უნდა გაიაროთ კონტესტზე რეგისტრაცია.

Update: შეჯიბრი დამთავრდა. უკვე შეგიძლიათ ამოხსნათ დარჩენილი ამოცანები upsolving კონტესტში. შედეგებს ცოტა მოგვიანებით დავდებთ.