2010 წლის 19 ივნისს 12 საათზე ჩატარდება შეჯიბრებათა ციკლის IV ეპიზოდი.

ყველას, ვინც დარეგიტრირებულია და გააჩნია პაროლი, შეუძლია იგივე გამოიყენოს სისტემაში შესასვლელად, ხოლო ახალმა მონაწილეებმა უნდა გაიარონ რეგისტრაცია 18 ივნისის ღამის 12 საათამდე.

თბილისის სახელმწიფო უნივერსიტეტის სტუდენტთა საყურადღებოდ!

ამ რაუნდის პარალელურად მის ამოცანებზე თბილისის სახელმწიფო უნივერსიტეტის XI კორპუსში ჩატარდება დასწრებული შეჯიბრება თსუ-ს სტუდენტებისთვის. ღონისძიების პროგრამაში არის სატესტო და ძირითადი ტური, ამოცანების გარჩევა და ლოკალურ გამარჯვებულთა დაჯილდოება. დასწრებული ღონისძიება დილის 10 საათზე დაიწყება. დასწრებულ ტურში მონაწილეობის მისაღებად თსუ-ს სტუდენტებმა რეგისტრაცია უნდა გაიარონ XI კორპუსის 405-ე აუდიტორიაში 17 ივნისამდე.

ციკლ "GeOlymp Series 2010"-ის პირველმა ბონუს ეპიზოდმაც ჩაიარა.

მონაწილეებისთვის შეთავაზებული იყო 5 ამოცანა პირობებით ქართულ ენაზე. მათ ამოსახსნელად 2 საათი იყო გამოყოფილი.

საერთო ჩათვლაში პირველი ადგილი დაიკავა ელდარ ბოგდანოვმა (საქართველოს საპატრიარქოს წმ. ანდრია პირველწოდებულის სახელობის ქართული უნივერსიტეტი). მეორე ადგილზე გავიდა ცოტნე ტაბიძე (ქუთაისი, ან. რაზმაძის სახელობის 41-ე საჯარო სკოლა). ხოლო მესამე ადგილზე გიორგი ლეკვეიშვილი (თბილისის სახელმწიფო უნივერსიტეტი).

დღეს გაიმართა პირველი დამატებითი ეპიზოდი, რომლის ამოცანების ავტორებიც არიან ზურაბ კუცია, ნიკა გაბისონია და ბექა ბარბაქაძე.

შეჯიბრმა წარმატებით ჩაიარა. საკმაოდ საინტერესო ამოცანები შემოგვთავაზეს ორგანიზატორებმა, რისთვისაც დიდი მადლობას ვუხდით. შეჯიბრი გამოირჩეოდა იმით, რომ მასში მონაწილეობას იღებდნენ GeOlymp-ის ორგანიზატორებიც რაც შედეგებზე აისახა :). შეჯიბრის გამარჯვებულები არიან:

მოსწავლეები:

სტუდენტები:

გთავაზობთ სრულ შედეგებს. ასევე შეგიძლიათ მოსინჯოთ თქვენი ძალები upsolving შეჯიბრში.

40 წუთში დაიწყება GeOlymp სერიის პირველი ბონუს-რაუნდი. ბონუს-რაუნდის და მისი ავტორების შესახებ (ზურაბ კუცია, ნიკა გაბისონია და ბექა ბარბაქაძე) დეტალური ინფორმაცია შეგიძლიათ ნახოთ ბმულზე GeOlymp bonus round

სისტემაში შესასვლელად გადადით ამ მისამართზე.

პირობები მატესტირებელ სისტემაში ღია სახით გამოჩნდება რაუნდის დაწყებისას, მაგრამ მსურველებს მისი დაარქივებული ვარიანტის გადმოწერა შეგიძლიათ შემდეგი მისამართიდან: პირობების არქივი. არქივზე პაროლი: fiddleronthegreen

პირობები pdf ფორმატშია, მისი გახსნა შესაძლებელია Acrobat Reader-ით ან Foxit Reader-ით, გადმოსაწერი მისამართი: Foxit Reader.

შეჯიბრის მიმდინარე შედეგების სანახავად მიჰყევით ბმულს.

გისურვებთ წარმატებებს :)

მოვიდა დრო, რომ ფინალში გამსვლელთა ზუსტი რაოდენობა დავასახელოთ. მოგახსენებთ, რომ GeOlymp Series 2010-ის ფინალში გავა 16 საუკეთესო მონაწილე! ფინალში თქვენ გელით მთელი სერიის დამაგვირგვინებელი შეჯიბრება საინტერესო ამოცანებით და სერიოზული პრიზებით ;)

ასევე ჩვენ გადავწყვიტეთ, ინტერნეტ-ჩათვლის და Upsolving-ის შედეგების საფუძველზე გავცეთ სერტიფიკატები და საჩუქრები.

პირველ რიგში, დაჯილდოვდება მოსწავლეთა ინტერნეტ-ჩათვლის პირველი სამი ადგილი და სტუდენტთა ინტერნეტ-ჩათვლის პირველი სამი ადგილი.

ასევე მოხდება Upsolving-ის გამარჯვებულების დაჯილდოება. Upsolving-ის გამარჯვებულად იმ ხუთ მონაწილეს დავასახელებთ, რომლებიც ფინალამდე (ზუსტი თარიღი მოგვიანებით გამოქვეყნდება) ყველაზე მეტ ისეთ ამოცანას ამოხსნიან, რომელიც მათ შეჯიბრზე არ ამოუხსნიათ. ამოხსნილი ამოცანების ერთნაირი რაოდენობის შემთხვევაში რანჟირება ჯამური დახარჯული დროით მოხდება, ამიტომ რაც ადრე დაიწყებთ, მით მეტი შანსი გაქვთ! :)

2010 წლის 13 ივნისს დღის 12 საათზე ჩატარდება GeOlymp სერიის პირველი ბონუს-რაუნდი.

ბონუს-რაუნდის ამოცანების ავტორები არიან ზურაბ კუცია, ნიკა გაბისონია და ბექა ბარბაქაძე. სამივე თბილისის სახელმწიფო უნივერსიტეტის I კურსის სტუდენტები არიან, რომლებმაც გასულ სეზონში საქართველოს ვიცე-ჩემპიონობა მოიპოვეს სტუდენტურ მსოფლიო ჩემპიონატზე.

ბონუს-რაუნდის შედეგები საერთო ჩათვლაში არ იქნება გათვალისწინებული. სხვა მხვრივ, რაუნდი არაფრით განსხვავდება GeOlymp-ის ეპიზოდებისგან.

ყველას, ვინც დარეგიტრირებულია და გააჩნია პაროლი, შეუძლია იგივე გამოიყენოს სისტემაში შესასვლელად, ხოლო ახალმა მონაწილეებმა უნდა გაიარონ რეგისტრაცია 12 ივნისის ღამის 12 საათამდე.

ჩვენს სერვერზე დავამატეთ მოსწავლეთა ინფორმატიკის ნაკრების შესარჩევი ტურის ამოცანები, ნებისმიერ მსურველს რომელიც დარეგისტრირებულია ჩვენს საიტზე შეუძლია შევიდეს სისტემაში და მოსინჯონ თავიანთი ამოხსნები. განსაკუთრებით კარგი იქნება თუ ნაკრების წევრები იმ ამოცანებს ამოხსნიან, რომლებიც შესარჩევ ტურზე ვერ გაატარეს.

შეჯიბრის მისამართია: upsolving შეჯიბრი. ასევე მარცხნივ მენიუში დამატებულია ბმული საიდანაც შეგიძლიათ შეჯიბრზე შესვლა.