კომპანია CROC-ისა და ბაუმანის სახელობის მოსკოვის სახელმწიფო ტექნიკური უნივერსიტეტის მიერ ორგანიზებული ჩემპიონატი პროგრამირებაში, რომელიც codeforces საიტის ბაზაზე ტარდება. ჩემპიონატში ოფიციალური მონაწილეობა მხოლოდ მოსკოვის უნივერსიტეტის სტუდენტებს შეუძლიათ. სხვა მსურველებისთვის ეს ჩვეულებრივი რეიტინგული რაუნდი იქნება.

Codeforces არის სარატოვში შექმნილი საიტი, რომელიც ერთდროულად ითავსებს პროგრამირების შეჯიბრებათა პლატფორმის და სოციალური ქსელის ფუნქციებს და ძალიან დიდი პოპულარობა მოიპოვა ბოლო წელიწადში. ძირითადად ისინი ატარებენ Codeforces Round-ებს - ცალკეულ 2-საათიან შეჯიბრებებს 5 განსხვავებული დონის ამოცანით. ზოგჯერ ტარდება სხვა ფორმატის შეჯიბრებებიც.