2010 წლის 9 მაისს 12 საათზე ჩატარდება შეჯიბრებათა ციკლის III ეპიზოდი.

ყველას, ვინც დარეგიტრირებულია და გააჩნია პაროლი, შეუძლია იგივე გამოიყენოს სისტემაში შესასვლელად, ხოლო ახალმა მონაწილეებმა უნდა გაიარონ რეგისტრაცია 8 მაისის ღამის 12 საათამდე.

ამ რაუნდის პარალელურად მის ამოცანებზე საინფორმაციო ტექნოლოგიების ცენტრ "მზიურში" ჩატარდება დასწრებული შეჯიბრება "მზიურის" მოსწავლეებისთვის. ღონისძიების პროგრამაში არის სატესტო და ძირითადი ტური, ამოცანების გარჩევა და ლოკალურ გამარჯვებულთა დაჯილდოება.

დიდი სიხარულით გვინდა გამოვაცხადოთ, რომ "GeOlymp Series 2010"-ს პირველი სპონსორი გაუჩნდა! ესაა კომპანია JSC Georgian Card. "ჯორჯიან ქარდის" მიერ ხორციელდება საქართველოში მოქმედი პლასტიკური ბარათების უმეტესობის გამოშვება და ბანკომატების უდიდესი ნაწილის ტექნიკური მხარდაჭერა. ასევე კომპანია "ჯორჯიან ქარდი" გთავაზობთ ონლაინ-გადახდების ფართო არჩევანს.

ჩვენ დიდ მადლობას ვუხდით კომპანია "ჯორჯიან ქარდს" "GeOlymp Series 2010"-ის მხარდაჭერისთვის. მათი დახმარებით, შეგვიძლია ჩვენს ციკლში სიახლეების შემოტანა და ვაპირებთ კიდევაც ამის გაკეთებას III ეპიზოდშივე. ასევე III ეპიზოდის შემდეგ მოგვარებული იქნება სერვერის ჩართულობის პრობლემაც.

გარჩევის pdf ვერსიის სანახავად მიჰყევით ამ ბმულს.

ციკლ "GeOlymp Series 2010"-ის მეორე ეპიზოდმაც ჩაიარა.

მონაწილეებისთვის შეთავაზებული იყო 5 ამოცანა პირობებით ქართულ ენაზე. მათ ამოსახსნელად 2 საათი იყო გამოყოფილი.

საერთო ჩათვლაში პირველი ადგილი დაიკავა ცოტნე ტაბიძემ (ქუთაისი, ან. რაზმაძის სახელობის 41-ე საჯარო სკოლა). მეორე ადგილზე გავიდა ზურაბ კუცია (თბილისის სახელმწიფო უნივერსიტეტი). მესამე ადგილი დაიკავა წინა ეპიზოდის გამარჯვებულმა ირაკლი მერაბიშვილმა (სანქტ-პეტერბურგის სახელმწიფო უნივერსიტეტი).

დასრულდა შეჯიბრების მეორე ტური, გამარჯვებულები არიან:
1. ცოტნე ტაბიძე
2. ზურაბ კუცია
3. ირაკლი მერაბიშვილი

მეორე ტურის ამოცანები დამატებულია upsolving შეჯიბრში და შეგიძლიათ ივარჯიშოთ.

ვულოცავთ გამარჯვებულებს.

12:00 საათზე დაიწყება GeOlymp Series 2010 ციკლის მეორე რაუნდი. სისტემაში შესასვლელად გადადით მისამართზე: http://bit.ly/bqduTQ პირობები მატესტირებელ სისტემაში ღია სახით გამოჩნდება რაუნდის დაწყებისას, მაგრამ მსურველებს მისი დაარქივებული ვარიანტის გადმოწერა შეგიძლიათ შემდეგი მისამართიდან: პირობების არქივი. არქივის პაროლია: the_atack_of_clones

პირობები pdf ფორმატშია, მისი გახსნა შესაძლებელია Acrobat Reader-ით ან Foxit Reader-ით, გადმოსაწერი მისამართი: Foxit Reader.

შეჯიბრების მიმდინარე შედეგების ნახვა შეგიძლიათ აქ: შედეგები

იმასთან დაკავშირებით, რომ 17 აპრილს მათემატიკაში ეროვნული ოლიმპიადის III ტური დაინიშნა, ჩვენი შემდეგი რაუნდის თარიღი შეიცვალა.

GeOlymp Series 2010-ის II ეპიზოდი ჩატარდება 18 აპრილს 12 საათზე.

შესაბამისად, ახალი მომხმარებლების რეგისტრაციის ბოლო ვადაც გადაიწია. II ეპიზოდში მონაწილეობის მიღებას შეძლებს ყველა, ვინც უკვე დარეგისტრირებულია ან 17 აპრილის შუაღამემდე დარეგისტრირდება.