სიახლე ვეძებთ სპონსორს 2013 წლის სერიის ჩასატარებლად
ჩვენთან ძალიან ბევრი შეკითხვა მოდის 2013 წლის შეჯიბრებების სერიის ჩატარებასთან დაკავშირებით. მის პასუხს ამ წერილში იპოვით.

ჯეოლიმპის პროგრამირების შეჯიბრებების სერია (დასწრებულიც და დაუსწრებელიც) ტრადიციულად გაზაფხული-ზაფხულის განმავლობაში მიმდინარეობდა ხოლმე და 6-7 რაუნდს მოიცავდა - 5 საკონკურსო, 1 ბონუსი, 1 ფინალური. გასული სამი წლის განმავლობაში ჯეოლიმპის სამი სერია ჩატარდა - ჯამში 21 შეჯიბრება, რომელთაც თავისი გარჩევები და სტატიები მოჰყვა. ამჟამად მონაწილეთა მიერ გამოგზავნილი ამოხსნების რაოდენობა დაახლოებით 30,000-ია.

ჩვენთვის სასიხარულო მოვლენა იყო, რომ ყოველ შემდეგ სერიაში მონაწილეთა რაოდენობა მკვეთრად იზრდებოდა და ერთვებოდნენ სხვადასხვა სასწავლო დაწესებულებები საქართველოს მასშტაბით, ხოლო მონაწილეთა პროგრესი და საკუთარ თავზე მუშაობის სურვილი ერთ-ერთი მოტივაცია იყო, რომ ჩვენც მეტი გვემუშავა სისტემაზე, ამოცანების შექმნაზე, თანამოაზრეთა დაკავშირებაზე და ამ სფეროს განვითარებაში წვლილის შეტანაზე.

სამწუხაროდ, გვერდს ვერ ავუვლით ფაქტს, რომ თითოეული შეჯიბრისთვის უზარმაზარი სამუშაოა შესასრულებელი (ამოცანების შექმნიდან დაწყებული სერვერის კონფიგურაციებით დამთავრებული). მიუხედავად იმისა, რომ ამ წლების განმავლობაში გვერდში გვედგა რამდენიმე კომპანია, რომლებიც ფასიან პრიზებს აწესებდნენ მონაწილეებისთვის ან სერვერით უზრუნველგვყოფდნენ; სასწავლო დაწესებულებები, რომლებიც თავის აუდიტორიებს გვითმობდნენ; ასევე ადამიანები, რომლებიც კონკრეტული შეჯიბრის ამოცანების შედგენაში იღებდნენ მონაწილეობას, სრული სამუშაო მაინც ორგანიზატორების ენთუზიაზმის ხარჯზე სრულდებოდა. ეს ნამდვილად არ არის უარყოფითი მუხტის მატარებელი გამოთქმა. იყო დადებითი მომენტები ჩვენთვის, რაც სურვილს და ძალას გვაძლევდა ამისთვის, მაგრამ ამჯერად მათ სამუშაოს მოცულობა ვერ გადაწონეს :) და ვეძებთ სპონსორ(ებ)ს, ვინც სრულ ან ნაწილობრივ ფინანსურ მხარდაჭერას გაგვიწევს მინიმალური რესურსისთვის.

2013 წლის სერიის ჩატარება ამ ძებნის წარმატებაზეა დამოკიდებული. თუ თქვენ ხართ კომპანიის წარმომადგენელი, რომლისთვისაც შესაძლოა საინტერესო იყოს ჩვენთან თანამშრომლობა, დაგვიკავშირდით.

info@geolymp.org
599481642
სიახლე Server Software Upgrade

სერვერზე მიმდინარეობს სამუშაოები და შესაძლებელია საიტი ან ejudge გაითიშოს რამდენიმეჯერ მომდევნო 24 საათის განმავლობაში. სამუშაოების დასრულების მერე მოგაწოდებთ ინფორმაციას თუ რა ცვლილებები მოხდა მომხმარებლისთვის საინტერესო კუთხით.


Update:

განახლებები დასრულდა და ცვლილებებს შორის არის:

განახლდა gcc 4.3.2-დან 4.4.5-მდე

განახლდა php 5.2.6-დან 5.3.3-მდე

განახლდა Mono C# 1.9.1-დან 2.6.7-მდე

დაემატა Python 2.6.6

დაემატა Perl 5.10.1

ბოლო ორი ენის დამატება შესაძლო გახდა ejudge სისტემის და kernel patch-ის ბოლო ვერსიების გამოყენებით. Enjoy.

სიახლე GeOlymp 2012 - ფინალური რაუნდის შედეგები

8 ივლისს გაიმართა 2012 წლის სერიის ფინალური შეჯიბრი. ღონისძიებას ღირსეული მასპინძლობა გაუწია კავკასიის უნივერსიტეტის ტექნოლოგიების სკოლამ და კარგი პირობები შექმნა შეჯიბრების ჩასატარებლად. დიდ მადლობას ვუხდით მასპინძელ უნივერსიტეტს და ტექნოლოგიების სკოლის დეკანს ასეთი თანამშრომლობისთვის.

11 საათზე ფინალის გახსნა შედგა, სადაც მონაწილეებს სიტყვით მიმართეს ჯეოლიმპის ხელმძღვანელმა - ელდარ ბოგდანოვმა, კავკასიის უნივერსიტეტის ტექნოლოგიების სკოლის დეკანმა - გიორგი დათუკიშვილმა და საინფორმაციო ტექნოლოგიების ცენტრ ”მზიურის” დირექტორის მოადგილემ - ამირან მეტრეველმა.


GeOlymp at Caucasus University

შეჯიბრება 12:00 საათზე დაიწყო. ტრადიციულად, მის პარალელურად მიმდინარეობდა ონლაინ რაუნდი ყველა კონკურსგარე მსურველისთვის (ონლაინ შეჯიბრების შედეგები ამ ბმულზე შეგიძლიათ ნახოთ).

GeOlymp at Caucasus University

ფინალური რაუნდის შედეგები კი ამ ბმულზეა.

პირველი ადგილი 6 ამოცანით მოიპოვა თბილისის სახელმწიფო უნივერსიტეტის სტუდენტმა - ზურაბ კუციამ, რომელიც კომპანია ”ომედიამ” iPad 3-ით დააჯილდოვა.

GeOlymp at Caucasus University

მეორე ადგილზე ასევე თბილისის სახელმწიფო უნივერსიტეტის სტუდენტი - ნიკოლოზ გაბისონია გავიდა 5 ამოცანით და მას ჯეოლიმპის გუნდის მიერ XBOX 360 Kinect გადაეცა.

GeOlymp at Caucasus University

მესამე ადგილი თავისუფალი უნივერსიტეტის სტუდენტმა - ლაშა ლაკირბაიამ დაიკავა 5 ამოცანით და ”ნეტიკო სტუდიის” მიერ დაწესებული ელექტრონული წიგნი - Kindle Touch მიიღო.

GeOlymp at Caucasus University

ასევე, ფინალის მონაწილეებს გადასცეს სპეციალური პრიზები ბატონმა ამირან მეტრეველმა და კავკასიის უნივერსიტეტის ტექნოლოგიების სკოლამ.


GeOlymp at Caucasus University

GeOlymp at Caucasus University

გვსურს კიდევ ერთხელ გადავუხადოთ მადლობა ჩვენს მხარდამჭერებს. მათი დახმარებით ფინალური ღონისძიება ბევრად შთამბეჭდავი გახდა მონაწილეებისთვის. იმედი გვაქვს, მათ ისიამოვნეს საინტერესო ამოცანების ნაკრებით და მომავალი წლისთვის მეტი შემართებით მოემზადებიან ჯეოლიმპის ოლიმპიადებისთვის.

სრული ფოტო გალერეის სანახავად ეწვიეთ ჩვენს facebook-ის გვერდს.

სიახლე GeOlymp 2012 - ფინალური ეპიზოდი იწყება

მოგესალმებით,

მალე დაიწყება ფინალური ეპიზოდი.
ამოცანების პირობები eJudge მატესტირებელ სისტემაში ღია სახით გამოჩნდება რაუნდის დაწყებისას, მაგრამ მსურველებს მისი დაარქივებული ვარიანტის გადმოწერა შეგიძლიათ ამ მისამართიდან. არქივის პაროლი არის SpainChampion

პირობები pdf ფორმატშია, მისი გახსნა შესაძლებელია Acrobat Reader-ით ან Foxit Reader-ით, გადმოსაწერი მისამართი: Foxit Reader.

ვისაც სურს ფინალის ონლაინ რაუნდში მონაწილეობა, შეგახსენებთ, რომ უნდა გაიაროთ კონტესტზე რეგისტრაცია.

შეჯიბრში შეგიძლიათ შეხვიდეთ შემდეგი ბმულებით:
Online ფინალური რაუნდი
დასწრებული ფინალური რაუნდი

ონლაინ შედეგები: standings

დასწრებული შედეგები: standings

სიახლე GeOlymp 2012 – ფინალის შესახებ

Update!

GeOlymp Series 2012 ციკლის ფინალი ჩატარდება 8 ივლისს, კავკასიის უნივერსიტეტში.
შეჯიბრის ხანგრძლივობა 4 საათია.

ღონისძიების განრიგი:
11:00 გახსნა
11:30 სატესტო შეჯიბრება
12:00 ფინალური რაუნდი
17:00 დახურვა.

ფინალის მონაწილეები უნდა გამოცხადდნენ კავკასიის უნივერსიტეტში 10:45 საათზე (საქართველოს ტექნიკური უნივერსიტეტის მეექვსე კორპუსთან ახლოს). დამატებითი ინფორმაციისთვის შეგიძლიათ დარეკოთ ნომერზე: 599 481642

ფინალურ შეჯიბრში დაშვებულია შემდეგი 20 მონაწილე:

1. ნიკოლოზ გაბისონია
2. ნოდარ ამბროლაძე
3. ჯიმშერ სხირტლაძე
4. ზურაბ კუცია
5. ზურაბ ისაკაძე
6. ნიკოლოზ სვანიძე
7. ლაშა ლაკირბაია
8. გიორგი შავგულიძე
9. მარი დანელია
[ თორნიკე მანძულაშვილი ]
10. გიორგი სხირტლაძე
11. ალექსანდრე აზიზიანი
12. თორნიკე გოგნიაშვილი
13. ხატია ჭითაშვილი
14. გიორგი ჯავახაძე
15. ნიკა ნადირაძე
[ ირაკლი მარგველაშვილი ]
16. ნიკოლოზ მაჭავარიანი
17. გიორგი გულიაშვილი
18. დათა ლაპიაშვილი
19. გიორგი პატარაია
20. ირაკლი ხადური

ვულოცავთ მათ და ვუსურვებთ წარმატებებს ჩვენი სერიის ფინალში!

ყურადღება, თუ ვერ ახერხებთ ფინალში მონაწილეობის მიღებას, გთხოვთ, წინასწარ შეგვატყობინეთ ამის შესახებ. ასეთ შემთხვევაში ფინალში დაიშვება 21-ე ადგილზე გასული მონაწილე.

ფინალური შეჯიბრის პარალელურად ჩვენს საიტზე ჩატარდება ინტერნეტ–რაუნდი ფინალის ამოცანებზე, რომელში მონაწილეობაც ყველა მსურველს შეეძლება. ინტერნეტ–რაუნდის ხანგრძლივობა ასევე 4 საათი იქნება.

სიახლე GeOlymp 2012 - მეხუთე ეპიზოდის შედეგები

სერიის მეხუთე ეპიზოდი დასრულდა. მასში მონაწილეობა 64 ადამიანმა მიიღო. სრული შედეგები ამ ბმულზეა.
გასული რაუნდის ამოცანების ბოლომდე მისაყვანად დღეს ჩაირთვება Upsolving.

გმადლობთ მონაწილეობისთვის :) ვულოცავთ ყველას და გისურვებთ წარმატებებს.


მეხუთე ეპიზოდის საერთო ჩათვლაში გაიმარჯვეს:

1. ნოდარ ამბროლაძე (Tbilisi SU)
2. ჯიმშერ სხირტლაძე (Sch Komarovi, Mziuri)
3. ლაშა ლაკირბაია (FreeUni)

მოსწავლეებს შორის:

1. ჯიმშერ სხირტლაძე (Sch Komarovi, Mziuri)
2. გიორგი სხირტლაძე (Sch Komarovi, Mziuri)
3. ალექსანდრე ცხოვრებოვი (Sch Komarovi)

სტუდენტები:

1. ნოდარ ამბროლაძე (Tbilisi SU)
2. ლაშა ლაკირბაია (FreeUni)
3. მარი დანელია (FreeUni)

სიახლე GeOlymp 2012 - მეხუთე ეპიზოდი იწყება

მოგესალმებით,

მალე დაიწყება V ეპიზოდი.
ამოცანების პირობები eJudge მატესტირებელ სისტემაში ღია სახით გამოჩნდება რაუნდის დაწყებისას, მაგრამ მსურველებს მისი დაარქივებული ვარიანტის გადმოწერა შეგიძლიათ ამ მისამართიდან. არქივის პაროლია WhoWatchesTheWatchmen.

პირობები pdf ფორმატშია, მისი გახსნა შესაძლებელია Acrobat Reader-ით ან Foxit Reader-ით, გადმოსაწერი მისამართი: Foxit Reader.

შეგახსენებთ, რომ შეჯიბრში მონაწილეობისთვის უნდა გაიაროთ კონტესტზე რეგისტრაცია.

შეჯიბრში შეგიძლიათ შეხვიდეთ შემდეგი ბმულიდან

ონლაინ შედეგები: standings

სიახლეები Facebook-ზე
მომავალი ღონისძიებები
მომავალი ღონისძიებების სია ცარიელია.
ღონისძიებების კალენდარი
მხარდამჭერები






ახალი კომენტარები
Dixtosa Episode II - Analysis...
Eშისაიდან მოვიდა 3**13?ისე 4 * 52 * 3**13 = 331M+ ...
Quick GeOlymp 2013 - ფინალური ეპიზოდი იწყება...
Upsolving ჩაირთო...
saba_tavdgiridze GeOlymp 2013 - ფინალური ეპიზოდი იწყება...
აღარ მინდა.:)...
saba_tavdgiridze GeOlymp 2013 - ფინალური ეპიზოდი იწყება...
B ამოცანის 17 ტესტს ვერ მიმანიშნებთ?...
tornike5 GeOlymp 2013 - ფინალის შესახებ...
ვაპირებდი იგივე მეკითხა მარა მეგონა უეჭველი იქნება...
giorgi123 GeOlymp 2013 - ფინალის შესახებ...
მადლობა.შარშან ფინალში ამოცანების ყურებით ვიფარგლე...
Elle GeOlymp 2013 - ფინალის შესახებ...
შარშან ფინალს codeblocks-ით წერდით?დავაყენეთ codeb...