#	ამოცანა	ავტორი
A	match	გიორგი საღინაძე
B	network	ანდრეი ლუცენკო
C	clock	ანდრეი ლუცენკო
D	paint	ელდარ ბოგდანოვი
E	grain	ელდარ ბოგდანოვი

სრულად წაკითხვა

სერია "GeOlymp Series 2011"–ის ფინალი კვირას, 26 ივნისს გაიმართა. მონაწილეებმა და სტუმრებმა 11 საათისკენ თავი მოიყარეს თბილისის სახელმწიფო უნივერსიტეტის მეორე კორპუსში მდებარე გაეროს აუდიტორიაში, სადაც ოლიმპიადის გახსნა ჩატარდა.

სრულად წაკითხვა

დღეს გაიმართა ჩვენი წლევანდელი სერიის ფინალური შეჯიბრი. ღონისძიებას უმასპინძლა თბილისის სახელმწიფო უნივერსიტეტმა. ფინალს ორგანიზაცია თსუ-ს სტუდენტურმა თვითმმართველობამ გაუწია და იგი უნივერსიტეტის მეორე კორპუსში ჩატარდა.

პირველი სამი ადგილი ასე განაწილდა:
1. ცოტნე ტაბიძე (ქუთაისის ანდრია რაზმაძის სახელობის 41-ე სკოლა)
2. ლევან ვარამაშვილი (ივანე ჯავახიშვილის თბილისის სახელმწიფო უნივერსიტეტი)
3. ირაკლი მერაბიშვილი (ივანე ჯავახიშვილის თბილისის სახელმწიფო უნივერსიტეტი)

მეორე და მესამე ადგილოსნებს შესაბამისად 500 და 320 GB ტევადობის გარე ვინჩესტერები გადაეცათ, ხოლო პირველ ადგილზე გასულ მონაწილეს კომპანია LeavingStone-მა გადასცა საჩუქრად ელექტრონული წიგნების წამკითხველი მოწყობილობა Amazon Kindle.

სრული შედეგები შეგიძლიათ ნახოთ ამ ბმულზე.

ფინალური შეჯიბრის შესახებ ვრცელ ინფორმაციას მოგვიანებით შემოგთავაზებთ.

ფინალის ამოცანებზე გამართულ ინტერნეტ-რაუნდში პირველი ადგილი აიღო ნიკა ჯიმშელეიშვილმა, მეორეზე მარი კობიაშვილი, ხოლო მესამეზე გიორგი ნადირაძე გავიდა. სრული შედეგების სანახავად ამ ბმულს მიჰყევით.

ჩვენ ვულოცავთ გამარჯვებულებს და ყველას გისურვებთ მომავალ წარმატებებს!

მოგესალმებით,

მალე დაიწყება ფინალური შეჯიბრი და პარალელურად გაიშვება მის ამოცანებზე ინტერნეტ-რაუნდი.
ამოცანების პირობები eJudge მატესტირებელ სისტემაში ღია სახით გამოჩნდება რაუნდის დაწყებისას, მაგრამ მსურველებს მისი დაარქივებული ვარიანტის გადმოწერა შეგიძლიათ ამ მისამართიდან. არქივზე პაროლია adyingwishpassword

პირობები pdf ფორმატშია, მისი გახსნა შესაძლებელია Acrobat Reader-ით ან Foxit Reader-ით, გადმოსაწერი მისამართი: Foxit Reader.

შეგახსენებთ, რომ შეჯიბრში მონაწილეობისთვის უნდა გაიაროთ კონტესტზე რეგისტრაცია.

შეჯიბრში უნდა შეხვიდეთ შემდეგი ბმულიდან: ონლაინ მონაწილეებისთვის ფინალისტებისთვის

ფინალის მიმდინარე შედეგების ხილვას შეძლებთ ამ ბმულზე: standings

ფინალის ამოცანებზე ინტერნეტ-რაუნდის მიმდინარე შედეგები აქ იქნება: standings

2011 წლის 26 ივნისს 12 საათზე დაიწყება ამ წლის სერიის ფინალური რაუნდი. შეჯიბრის პარალელურად კი ჩვენს საიტზე ჩატარდება ინტერნეტ–რაუნდი ფინალის ამოცანებზე, რომელში მონაწილეობაც ყველა მსურველს შეეძლება. ინტერნეტ–რაუნდის ხანგრძლივობა 4 საათი იქნება.

შეგახსენებთ, რომ კონტესტში მონაწილეობისთვის საჭიროა კონტესტზე რეგისტრაცია.

GeOlymp Series 2011 ციკლის ფინალი გაიმართება 26 ივნისს თბილისის სახელმწიფო უნივერსიტეტის II კორპუსში. შეჯიბრის ხანგრძლივობა 4 საათია. ღონისძიების განრიგი შემდეგია:

11:00–11:30 ოლიმპიადის გახსნა
12:00–16:00 ფინალური შეჯიბრი
16:10–16:40 სადილი
17:00–18:00 მონაწილეთა დაჯილდოება

ფინალურ შეჯიბრში დაშვებულია შემდეგი 20 მონაწილე:

1. ნიკოლოზ გაბისონია
2. ირაკლი მერაბიშვილი
3. ცოტნე ტაბიძე
4. ნოდარ ამბროლაძე
5. ზურაბ კუცია
   [ აკაკი მამაგეიშვილი ]
6. ჯიმშერ სხირტლაძე
7. ზურაბ ისაკაძე
8. ლევან ვარამაშვილი
9. ბექა ბარბაქაძე
10. გიორგი ფეიქრიშვილი
   [ თორნიკე მანძულაშვილი ]
11. ანი მარგველაშვილი
12. გიორგი სვანაძე
13. გიორგი მეგრელი
14. თორნიკე გოგნიაშვილი
15. ნიკა სვანიძე
16. ლაშა ლაკირბაია
17. ვატო ტაბატაძე
18. გიორგი შავგულიძე
19. ხატია ჭითაშვილი
20. მარი დანელია

ვულოცავთ მათ და ვუსურვებთ წარმატებებს ჩვენი სერიის ფინალში!

მინიშნება. ვინაიდან თორნიკე მანძულაშვილი და აკაკი მამაგეიშვილი შეჯიბრში მონაწილეობის მიღებას ვერ ახერხებენ, ფინალში დაშვებულია კონკურსში 21-ე და 22-ე ადგილებზე გასული მონაწილეები.

ფინალური შეჯიბრის პარალელურად ჩვენს საიტზე ჩატარდება ინტერნეტ–რაუნდი ფინალის ამოცანებზე, რომელში მონაწილეობაც ყველა მსურველს შეეძლება. ინტერნეტ–რაუნდის ხანგრძლივობა ასევე 4 საათი იქნება.

11 ივნისს Google Code Jam 2011 შეჯიბრის მესამე რაუნდი ჩატარდა, რომელშიც 500 საუკეთესო მონაწილე ასპარეზობდა მთელი მსოფლიოდან. მათ რიცხვში ოთხი ქართველიც შედიოდა: ნიკოლოზ ჯიმშელეიშვილი, გიორგი საღინაძე, ნიკოლოზ გაბისონია და აკაკი მამაგეიშვილი. რაუნდის შედეგად შეირჩა 25 მონაწილე, რომელიც 29 ივლისს ტოკიოში ჩასატარებელ ფინალში იბრძოლებს წლევანდელი codejam–ის ჩემპიონის ტიტულისთვის. ნიკოლოზ ჯიმშელეიშვილმა უაღრესად დამაჯერებელი ასპარეზობის შედეგად მოიპოვა ამ რაუნდში მე-2 ადგილი და ფინალში საგზური. ვულოცავთ მას და ვუსურვებთ იაპონიაში წარმატებით გამგზავრებას და გამარჯვებას!

სრულად წაკითხვა