ყოველ წელიწადს ინფორმატიკაში ტარდება მსოფლიო ჩემპიონატი მოსწავლეთა შორის IOI, რომელშიც მონაწილეობას იღებენ თითქმის ყველა ქვეყნის წარმომადგენელი 4 წევრიანი გუნდები. შესაბამისად საქართველოშიც ყოველ წელს ტარდება შეჯიბრი, რომლის შედეგებზე დაყრდნობითაც ირჩევა გუნდი IOI-ზე მონაწილეობის მისაღებად.

29-30 მაისს ჩატარდა ნაკრების შესარჩევი 2 ტურიანი ოლიმპიადა, რომელშიც მონაწილეობას იღებდა 12 მონაწილე. მონაწილეთა შემადგენლობა არჩეული იყო წლის განმავლობაში რეგიონალურ და რესპუბლიკურ შეჯიბრებებზე ნაჩვენები შედეგებით.

ცნობები იმის შესახებ, რომ ამ წლის 9 მაისს ჯეოლიმპის მესამე ინტერნეტ-რაუნდის პარალელურად დასწრებული ტურიც ჩატარდა, მედია სივრცეში უკვე საკმაოდ გავრცელდა, თუმცა სანამ მომდევნო ტურის დაგეგმვით არიან ჯეოლიმპის წევრები დაკავებული, გვსურს გასულ რაუნდს კიდევ ერთი შემაჯამებელი პოსტი მივუძღვნათ.

ამჯერად ჯეოლიმპს მასპინძლობა საინფორმაციო ტექნოლოგიების ცენტრ ”მზიურმა” გაუწია. მხარდაჭერისთვის დიდ მადლობას ვუხდით ”მზიურს” და განსაკუთრებით კი ბატონ ამირან მეტრეველს.

ციკლ "GeOlymp Series 2010"-ის მესამე ეპიზოდმაც ჩაიარა.

მონაწილეებისთვის შეთავაზებული იყო 5 ამოცანა პირობებით ქართულ ენაზე. მათ ამოსახსნელად 2 საათი იყო გამოყოფილი.

საერთო ჩათვლაში პირველი ადგილი დაიკავა ცოტნე ტაბიძემ (ქუთაისი, ან. რაზმაძის სახელობის 41-ე საჯარო სკოლა). მეორე ადგილზე გავიდა აკაკი მამაგეიშვილი (თბილისის სახელმწიფო უნივერსიტეტი). მესამე ადგილი კი დაიკავა ნოდარ ამბროლაძემ (ქუთაისი, ან. რაზმაძის სახელობის 41-ე საჯარო სკოლა)

ეს რაუნდი იმით გამოირჩეოდა სხვებისგან რომ ინტერნეტ შეჯიბრებასთან ერთად საინფორმაციო ტექნოლოგიების ცენტრ "მზიურში" ჩატარდა დასწრებული ტური ადგილზე მყოფი მოსწავლეებისთვის. ვგეგმავთ ასეთი ქმედება ტრადიციად ჩამოვაყალიბოთ, მსურველებს შეგიძლიათ შეგვატყობინოთ თქვენი სასწავლო დაწესებულების შესახებ და ვეცდებით თქვენთანაც ჩავატაროთ დასწრებული ტური.

მიმდინარე ჯამურ შედეგებში უკვე გათვალისწინებულია მესამე ეპიზოდიც. ცოტნემ გადაინაცვლა პირველ ადგილზე, რაც სიტუაციას კიდევ უფრო საინტერესოს ხდის :).

ამოცანების ვიდეო გარჩევები შეგიძლიათ იხილოთ ჩვენს facebook-ის გვერდზე

როგორც იცით გუშინ ჩავატარეთ მესამე ეპიზოდი, სადაც შემოვიტანეთ სიახლე და ონლაინ ტურთან ერთად მზიურში ჩატარდა დასწრებული ტურიც. ახლა მინდა უბრალოდ შედეგები გაგაცნოთ ხოლო დაწვრილებით ტურის შესახებ ინფორმაციას საღამოს გამოვაქვეყნებთ. სრული შედეგები.

მაშ ასე საერთო ჩათვლაში გამარჯვებულები არიან:

მზიურში დასწრებულ შეჯიბრში გაიმარჯვეს:

მოსწავლეებს შორის:

სტუდენტები:

ვულოცავთ ყველას და გისურვებთ წარმატებებს.

ნახევარ საათში დაიწყება GeOlymp Series 2010 ციკლის მესამე რაუნდი.

სისტემაში შესასვლელად გადადით მისამართზე: http://bit.ly/9USsKr

პირობები მატესტირებელ სისტემაში ღია სახით გამოჩნდება რაუნდის დაწყებისას, მაგრამ მსურველებს მისი დაარქივებული ვარიანტის გადმოწერა შეგიძლიათ შემდეგი მისამართიდან: პირობების არქივი. არქივის პაროლია Revenge

პირობები pdf ფორმატშია, მისი გახსნა შესაძლებელია Acrobat Reader-ით ან Foxit Reader-ით, გადმოსაწერი მისამართი: Foxit Reader.

შეჯიბრების მიმდინარე შედეგების ნახვა შეგიძლიათ აქ: შედეგები

2010 წლის 9 მაისს 12 საათზე ჩატარდება შეჯიბრებათა ციკლის III ეპიზოდი.

ყველას, ვინც დარეგიტრირებულია და გააჩნია პაროლი, შეუძლია იგივე გამოიყენოს სისტემაში შესასვლელად, ხოლო ახალმა მონაწილეებმა უნდა გაიარონ რეგისტრაცია 8 მაისის ღამის 12 საათამდე.

ამ რაუნდის პარალელურად მის ამოცანებზე საინფორმაციო ტექნოლოგიების ცენტრ "მზიურში" ჩატარდება დასწრებული შეჯიბრება "მზიურის" მოსწავლეებისთვის. ღონისძიების პროგრამაში არის სატესტო და ძირითადი ტური, ამოცანების გარჩევა და ლოკალურ გამარჯვებულთა დაჯილდოება.